ایک نیوز
ایک نیوز
ایک نیوز
ایک نیوز
انتظار فرمائیے...

امریکا:لمبی دم والی بلی نے عالمی ریکارڈ قائم کردیا

جب ہم باہر جاتے ہیں تو لوگ ہماری بلی کو مقامی مشہور شخصیت کہتے ہیں

28 March 2025

ویب ڈیسک:امریکا کی ایک ریاست مینسوٹا سے تعلق رکھنے والی پگسلے نامی پالتو  نے اپنی  18.5انچ لمبی دم ہونے کی بنا پر گنیز ورلڈ ریکارڈ میں اپنا نام بنا لیا ہے۔

بلی کی مالکن   امانڈا کیمرون نے کہا کہ ان کے خاندان کی 2 سالہ پگسلے کی دم ہمیشہ لمبی رہی ہے اور یہ موضوع جانوروں کے کلینک کے پہلے دورے کے دوران بھی سامنے آیا تھا،ڈاکٹر نے 6 ماہ بعد دوبارہ اس کی دم کا ذکر کیا جس سے ان کے بچوں کو گنیز ورلڈ ریکارڈ میں لمبی دم کے ریکارڈ کے بارے میں تحقیق کرنے کی ترغیب  دی ، اور  پھر یہ اعزاز ہماری بلی کو  مل گیا ۔

امانڈا نے کہا کہ پگسلے ایک دوستانہ بلی ہے، ہر کوئی ہمیشہ اس کے ساتھ کھیلنا چاہتا ہے اور اس کے پرسکون طرز عمل سے پیار کرتا ہے، یہ ان حالات میں بھی پرسکون رہتی ہے جو کچھ بلیوں کیلئے خوفناک ہو سکتا ہے۔

بلی کی مالکن کا مزید کہناتھا کہ پگسلے نرم دل ہے اور ہمیشہ صاف رہتی ہے، اس کے ارد گرد رہنے سے  ہم اچھامحسوس کرتے ہیں،  جب ہم باہر جاتے ہیں تو  لوگ ہماری بلی کو مقامی مشہور شخصیت کہتے ہیں۔  

>